Врховниот суд на Тајван го поништи повеќедеценискиот закон според кој прељубата се сметаше за кривично дело казниво со затвор.

Судот го поништи членот 239 од Кривичниот законик на Тајван, во кој се вели дека „лицето во брачна заедница кое извршува прељуба со друго лице може да биде осуден на затворска казна до една година“.

Министерството за правда објасни дека законот е прогласен за неважечки бидејќи сериозно ја нарушува личната сексуална слобода и приватноста.

-Сега кога прељубата е декриминализирана, на сила е Граѓанскиот закон за заштита на семејството и бракот- изјави генералниот секретар на Министерството за правда, Лин Хуи-Хауан.