„Тагата не може да се опише“: Ѕвездата на „Игра на тронови“ доживеа семејна трагедија
Актерот Хафтор Бјорнсон објави дека неговата сопруга Келси Хенсон го изгубила бебето, кое се родило мртво во 21. недела од бременоста.
Бјорнсон, кој е најпознат по својата улога во серијата „Игра на тронови“ („Game of Thrones“), ја сподели тажната вест на својот инстаграм-профил и откри дека ја изгубиле ќеркичката Грејс Морган, родена на 8 ноември.
„Откако почувствуваме намалување на движењето, откривме дека нејзиното срце престана да чука. Тагата за нашата загуба не може да се опише со зборови, ниту пак среќата што можевме да поминеме време со нашата ќерка. Љубовта која ја чувствуваме за неа е преголема. Болката и тагата ќе бидат со нас засекогаш, но ќе биде и љубовта. Цела надеж и соништа за неа ни беа одземени, но знам дека повторно ќе бидеме заедно. Нејзиниот дух ќе продолжи да живее преку нејзините брат и сестра. Ве замолуваме да ја почитувате нашата приватност и ви благодариме за сите љубезни зборови и поддршката“, стои во објавата на парот.
Оваа двојка има уште едно дете, тригодишниот Стормур. Актерот има уште една ќерка, Тереза Лиф, која ја доби за време на врската со Телма Бјорк Штајман.
Бјорнсон и Хенсон се венчаа во октомври 2018 година.