На скопската обиколница на клучката за Радишани изгоре патничко возило „фиат“. Возило од скопската противпожарна единица немало можност навремено да интервенира, бидејќи пожарот за брзо време го пеплосал возилото. Засега не се знае дали има повредени.
Од засега непознати причини вчера вечер на улицата „Владимир Полежановски“ пламнал пожар во товарно возило „шкода“. Во пожарот оштетено е и возило „сузуки свифт“, сопственост на Д.А. од Скопје.
На улицата „Ловќенска“ во Скопје ноќеска изгорело возило „сеат леон“, сопственост на „Порше Лизинг“. Во пожарот било зафатено и патничко возило „пежо партнер“, сопственост на „Ник Авто“. Во 3.15 часот од екипа на Бригадата за противпожарна заштита пожарот бил целосно изгаснат.
