Таа е единствената пејачка која се најде на листата на милијардери на „Форбс“
Мегаѕвездата Ријана е вклучена на листата на милијардери на „Форбс“ за 2022 година, каде што се најде како најдобро рангирана музичарка.
View this post on Instagram
Имено, пејачката минатиот август стана милијардерка, а на листата на „Форбс“ се наоѓа на 1.729 место со вредност од 1,7 милијарди долари. Нејзиното богатство во голема мера го прави козметичката линија, која во 2020 година оствари приход од над 550 милиони долари.
Најголемиот дел од нејзиното богатство доаѓа од вредноста на компанијата „Fenty Beauty“, од која „Форбс“ потврдува дека Ријана поседува 50 отсто. Голем дел од остатокот од богатстово ѝ е заработено со нејзината компанија за долна облека, „Savage x Fenty“ и успешната кариера како музичарка.
View this post on Instagram
Ријана е и првата личност од островот Барбадос која се најде на листата на „Форбс“.
Покрај Ријана, на листата се наоѓаат и Канје Вест и Џеј Зи. Канје е на 1.513 место со вредност од две милијарди долари, додека Џеј Зи е на 2.076 со вредност од 1,3 милијарди долари.
На врвот на овогодинешната листа е директорот на компаниите „Тесла“ и „Спејс Икс“, Илон Маск, кој тежи 219 милијарди долари и е најбогатиот човек во светот, според „Форбс“.
ФОТО | Смелиот стил на Ријана непроменет: Пејачката го покажа трудничкиот стомак
ФОТО | Ријана „уловена“ како купува евтина бебешка облека: Се знае ли полот на бебето?
