Ѕвездата на филмот „Брилијантин“, Оливија Њутн Џон веќе неколку години се бори со ракот, а минатата година болеста по третпат ѝ се вратила. Тогаш рекла дека не сака да дознае уште колку време ѝ останало и дека шансите за да се излекува се мали.

„Среќна сум што низ ова поминував веќе трипати, а сè уште сум тука. Кога ќе ти дијагностицираат рак или ќе ти дадат некоја лоша дијагноза, најчесто ти даваат и некој временски период, ти кажуваат уште колку ти останало, изјавила Оливија и додала:

„Вистина е дека уште утре може да те удри камион, никогаш не знаеш, така што секој ден е подарок, посебно сега. Ако ѝ веруваш на статистиката, така и ќе биде. Ако некој ти каже дека ти останале шест месеци живот, така и ќе биде, бидејќи веруваш во тоа.

Оливија дома одгледува марихуана бидејќи употребата на канабисот ѝ помага за ублажување на симптомите, а собира средства за истражувања за влијанието на таа билка на ракот.