Славната англиска ѕвезда денеска официјално го продолжи договорот со шкотскиот клуб. Стивен Џерард ја продолжи соработката на уште две години, па така неговиот договор сега ќе трае до лето 2024. година, информираат од Ренџерс.

– Кога претседателот на клубот, Дејв Кинг, ми пријде за можноста да го продолжам договорот со Ренџерс, беше многу лесна одлука да се донесе, затоа што сум многу среќен чувствувам дека заедно градиме нешто посебно во клубот – рече Џерард.

? Gerrard 2024 ?#RangersFC is today delighted to announce manager Steven Gerrard has agreed a two-year extension which will keep him at Ibrox until the summer of 2024.

— Rangers Football Club (@RangersFC) December 13, 2019

Во клубот дојде во летото 2018. година и ова е негова прва тренерска работа во професионалната кариера.

Со доаѓањето на иконата на Ливерпул, Ренџерс започна нова ера, која резултираше со учество во Европа после тешките години кои делуваа на финансиски план.

Оваа сезона после успешно завршените квалификации направија чекор напред и во уште една тешка група со Феенорд, Порто и Јанг Бојс, изборија пласман во нокаут фазата.