Портпаролот на ЕУ Петер Стано рече, во изјава за приштинска „Газета Експрес“ дека Европската унија верува дека единствено Белград и Приштина можат да постигнат потребен компромис, одбивајќи да го коментира писмото кое претседателот на САД му го испрати на српскиот претседател Вучиќ во кое бара меѓусебно признавање на Белград и Приштина.

Портпаролот на ЕУ Петер Стано рече дека главна цел на дијалогот е да се постигне сеопфатен договор, неспоменувајќи меѓусебно признавање.

Стано одби директно да го коментира писмото на Бајден до претседателот на Србија Александар Вучиќ, во кое тој нагласува дека меѓусебното признавање е единствен начин да се заврши дијалогот.

– Дијалогот за нормализација на односите меѓу Белград и Приштина води кон нивната европска идина. На крајот Белград и Приштина ќе го најдат неопходниот компромис. Најважната цел на дијалогот е да се постигне сеопфатен договор кој води кон нормализација на односите меѓу Белград и Приштина, рече Стано.