1 C
Скопје

СП: Македонските ракометари убедливо поразени и од Русија!

Во вториот натпревар од главната фаза на Светското првенство во Египет, македонската репрезентација претрпе нов убедлив пораз овојпат од селекцијата на Русија со резултат 32:20.

Имавме лош почеток на мечот, Русите фуриозно стартуваа со три погодоци во серија, а ние и после пет минути игравме немавме реализација. Конечно дури во седмата минута дојдовме до првенецот на средбата во Каиро преку Кузмановски, но Русите свесни дека победата им носи надежи за четвртфиналето, постигнаа два голови во низа, вториот беше дело на Косоротов за 5:1 по првите 10 минути.

Шишкарев, екс членот на Вардар 1961 како пивот со т.н. шрауба ја затресе мрежата на Митревски, а ние повторно безидејно во нападот, тешко доаѓавме до чист шут, проблемите се зголемија после првото исклучување од две минути кои ги доби Мишевски.

Прочитајте и...  „Лекип“ со скандалозен текст го нападна Ѓоковиќ: Толку сака да биде омилен што не можам да го поднесам
Фото: EFE/Mohamed Abd El Ghany/POOL

Тоа веднаш го искористија ривалите преку левото крило Сорока за веќе високи 7:1 на семафорот и беше како најава за нов висок пораз на нашите ракометари на овој Мундијал.

Во 14 минута се случи и вториот гол на Македонија, Серафимов кој доби поголема шанса на позицијата десен бек од Лазаров кој остана на клупата, убаво го пронајде Стоилов за намалување на негативата.

Серафимов исто така и се запиша во листата на стрелците со еден убав гол од бековската позиција, намали на 10:5, но веднаш во наредниот напад на Русите доби исклучување.

Противникот кој ја казнуваше секоја наша грешка и нереализиран напад, немилосрдно само ја зголемуваше својата позитива, Житников во соло акција, многу лесно ја проби нашата дефанзива за 12:6 во 21 минута. При 13:7 до паузата руската селекција успеа да постигне уште шест, а да прими само два, за 19:9 по првиот дел.

Прочитајте и...  САД: Русија ги блокира напорите Сирија да одговара поради употреба на хемиско оружје

Исто како Русите, така и ние силно почнавме со три гола во серија на стартот од вториот дел за пристојни 19:12, а Русите после седум и пол минути дојдоа до првиот погодок, но тоа ништо не се смени резултатски.

Следуваа две исклучувања по ред во нашата репрезентација, Пешевсаки поради прекршок и едно за Серафимов поради погрешна замена.

На девет минути до крајот Котов на спротивната страна реализираше за 27:17, а Кузмановски кој беше прв стрелец во македонската селекција го запиша шестиот гол. До крајот ривалите само рутински го одработуваа мечот и дојдоа до потребните бодови.

Прочитајте и...  ФОТО + ВИДЕО| Царовска: Да ја завршиме оваа учебна година па ќе размислуваме за тоа со кој модел ќе ја започнеме следната

Последниот трет меч во групата „4“ избраниците на селекторот Данило Брестовац ќе го имаат за два дена исто така од 15.30 часот против Белорусија.

Светско првенство Египет 2021

Главна фаза, Каиро

Македонија-Русија 20:32 (9:19)

Македонија: Митревски (8 одб.), Томовски (1 одб., 1 сед.), Кузмановски 6, Стоилов 1, Серафимов 4, Пешевски 2, Крстевски 1, Георгиевски 2, Димитриоски 1, Костески 2, Талески 1.

Поврзани вести

Атлетик Билбао за 14 дена може двапати да го освои Кралскиот куп

Слободен печат

ВИДЕО: Челси го освои „Енфилд“, сите мечеви во Премиер лигата со ист резултат!

Слободен печат

ЛШ: Лазаров во осминафиналето со Кјелце, Митревски против Алборг

Слободен печат

Ракитиќ до Меси: Имам трофеј кој никогаш нема да го освоиш!

Слободен печат

ВИДЕО: ВАР го спаси Мурињо, Евертон во трка за Лига на шампиони!

Слободен печат

Стоилов гневен по поразот: Некои ракометари не разбираат за колку посебен клуб играат

Слободен печат

Остави Коментар