СП Египет: Скандинавско финале, нова драма со среќен крај за Данска
Ракометната репрезентација на Данска е вториот финалист на Мундијалот во Египет откако во драматичен финиш ја совлада Шпанија со 35:33.
Данците кои се наоѓаат на чекор од одбрана на титулата, водеа во текот на целиот натпревар, Шпанија во последната минута дојде во позиција да израмни но шутот на Марчан заврши во пречката на голот на Ландин.
Denmark to the final for the 2nd time in a row! ? Will they achieve back-to-back titles? ??@dhf_haandbold | #Håndbold | #GODenmark | #Egypt2021 pic.twitter.com/4xUI09f3Je
— Handball Egypt2021 (@Egypt2021EN) January 29, 2021
Данците предводени од Микел Хансен одлично го започнаа натпреварот, на стартот поведоа со 2:0, а најголемата предност во првиот дел изнесуваше пет гола (13:8) и тоа благодарение на играта седум на шест во нападот.
Во второто полувреме, шпанскиот селектор Жорди Рибера ги помеша картите и со бековската линија Македа, Сармиенто и Даниел Душебаев успеаја да се приближат на минус два и да ја вратат резултатската неизвесност. Данска се обиде во последните 10 минути да го зададе последниот удар, поведе со 33:29, но Шпанците најдоа начин да се вратат и во последната влегоа со сегатива од еден гол.
FULL TIME! ?
?????#Egypt2021 | @RFEBalonmano | @dhf_haandbold | #Hispanos | #Håndbold pic.twitter.com/DGgt20GUkG
— Handball Egypt2021 (@Egypt2021EN) January 29, 2021
На 40-тина секунди до крајот Марчан при резултат 34:33 имаше зицер, шутираше од линијата за шест метри но топката наместо во голот удри во пречката и тоа значеше дека Данска во недела против Шведска ќе ја брани титулата.
Најдобар ракометар во редовите на Данска беше Микел Хансен со 12 гола, Магнус Саугструп даде седум, додека кај Шпанија најрасположени за игра беа Даниел Душебаец со седум, Адријан Фигерас со шест и Хорхе Македа со пет гола.