Сомалија: Шестмина повредени во автомобил-бомба, мета бил турски инженер
Иако нема официјален извештај за жртви во нападот, турската амбасада соопшти дека државјани на турција се повредени во експлозијата.
Шест луѓе се повредени во експлозија на автомобил бомба во близина на главниот град на Соламија, Могадишу.
Според локалната полиција, мета на нападот бил турски инженер кој работел на изградба на патиштата во Сомалија.
Иако нема официјален извештај за жртви во нападот, турската амбасада соопшти дека државјани на турција се повредени во експлозијата.
-Засега знаеме дека тројца турски инженери се повредени, но и нивниот преведувач. Исто така, во експлозијата повредени се двајца сомалиски полицајци, соопшти амбасадата на Турција во Могадишу.
Досега никој не презеде одговорност за експлозијата, иако неофицијално станува збор за дело на милитантната подгрупа на Ал-Каеда, ал Шабаб.