Снимки од дрон ја покажуваат штетата од пожарот во Чернобил: „Ова е војна на човекот и природата“ (ВИДЕО)
Снимките ги направи украинскиот режисер Станислав Карпалов, кој потоа ги објави на ЈуТјуб.
Страотни последици од пожарот во зоната на некогашната нуклеарна електрана Чернобил во Украина се снимени со беспилотно летало, пренесуваат украинските медиуми.
На снимката се гледаат хектари запалена шума и напуштени објекти.
Украинскиот режисер Станислав Карпалов, кој ја направи снимката, ја објави на ЈуТјуб.
„Глетка на апсолутна апокалипса. Сакав да ја пренесам атмосферата на она што го видов што е веќе можно. Во изминативе 30 години човечко отсуство во зоната Чернобил, флората и фауната оживеаја и станаа она што биле пред 150 години, дури и покрај зрачењето. Сега голем дел од тоа препородено е повторно уништено. Ова е војна на човекот и природата“; напиша авторот на својата Фејсбук страница.