Симов: Жалам што Ѕинго не е тука со нас да се израдува на овој пехар
Екипата на Силекс вечерва по трет пат триумфира во Купот на Македонија откако во финалето по подобро изведување на пеналите ја совлада Академија Пандев со 4:3. Ова воедно претставува прв триумф за Силекс во Купот по пауза од 24 години, а тренерот на кратовци, Горан Симов, триумфот му го посвети на поранешниот сопственик Љубисав Иванов Ѕинго кој почина кој крајот на минатата година.
– Ова е божја волја. Иако ништо не е случајно затоа што овие момци се херои. Минатата сезона стигнаа до Лигата на шампионите, а сега по толку години повторно носат трофеј за Кратово. На сите само ни е жал што Љубисав Иванов Ѕинго не е тука со нас да се израдува на овој пехар. Силекс е мој втор дом. Освоив пехар со него како играч, а сега остварувам уште еден сон. Но, трофејот во купот веднаш го забораваме, затоа што ни следи меч за опстанок во Првата лига. Силекс не смее да си дозволи да испадне од прволигашкото друштво. Имаме тешка сезона зад нас во која одиме од очајот до сјајот – изјави Симов.
фото: ФФМ