Швајцарската гранична полиција тајно спровела надѕор и следење на лица на територијата на Австрија.
Во рамките на акцијата „Кнобил“, според пишувањето на дневникот „Блик“, швајцарските полицајци четири дена, облечени како цивили, во австриската покраина Форарлберг, ги шпионирале своите граѓани.

Причина за акцијата, со која не биле запознати австриските власти, всушност било поради тоа што во Форарлберг се наоѓаат повеќе продавници во кои сосема легално се продава семе од марихуана, како и опрема за одгледување на канабис.

Во Швајцарија, увозот за одредени производи од коноп е забранет.

Швајцарските полицајци ги шпионирале муштериите од Швајцарија во продавници во Австрија, им ги запишувале регистрациите на автомобилите и ги проследувале во систем, за подоцна автомобилите кои биле следени да бидат запрени на граница.

Австрија не знаела ништо за акциите на швајцарската полиција, а немало ниту да ја одобри, бидејќи швајцарските клиенти во споменатите продавници не го кршат законот.

Целата кација, која се одвивала тајно, испливала во јавноста откако еден полицаец бил запрен на граница со семе од коноп во багажот.

Полицаецот се жалел на дејствувањето на своите гранични колеги и коментално во Швајцарија се размислува за дициплински мерки против граничните „шпиони“.