Што се обидува да сокрие Доналд Трамп од јавноста? Белата куќа го блокираше сведочењето од водечкиот американски лекар
Најновите во низа несогласувања меѓу Трамп и Фаучи се поврзазни со државата Џорџија.
Д-р Ентони Фаучи, кој честопати се спротивставуваше на Трамп, а во последните неколку недели работеше и како „лектор’ на изјавите на претседателот на САД, нема да може да сведочи пред Конгресот, во процесот кој е покренат од еден од конгресните поткомитети, а е поврзан со начинот на кој се бори администрацијата на Трамп против коронавирусот.
Неговото сведочење беше блокирано токму од Белата куќа.
– Додека целата администрација работи заедно на борбата против коронавирусот – вклучително и безбедно отворање (покренување на економијата) на Америка и напредок во развојот на вакцините – би било контрапродуктивно секој да сведочи индивидуално пред Конгресот, рече заменик државниот секретар на Белата куќа, Џад Дир.
Сепак, сведочењето нема да биде претставува проблем бидејќи се очекува д-р Фаучи да се појави пред Конгресот во месец мај и тоа пред Комитетот на републичкиот одбор, на кој ќе се разговара колку досега е направено за борбата против овој вирус.
The White House won’t allow Dr. Anthony Fauci to testify before Congress as part of an investigation into the administration’s response to the COVID-19 pandemic, calling the request “counter-productive.” https://t.co/A7Kb1Ejbop
— NPR (@NPR) May 1, 2020
Најновите во низа несогласувања меѓу Трамп и Фаучи се поврзазни со државата Џорџија.
Трамп го поддржа отворањето на економијата на државата и промените кои се воведуваат, а се поврзани со олабавувањето на рестриктивните мерки, додека д-р Фаучи е загрижен за овие потези:
– Мислам дека не е добро да се прескокнуваат одредени фази, а овие олеснувања на рестрикциите го прават токму тоа- изјави д-р Фаучи.
И ова е само едно во низата несогласувања, по несогласувањето околу лекот хлорокин, евентуално враќање на вирусот, (не) соодветни цитати за медиумите и многу други теми.