Екипата на Шкендија во рамките од 22. коло во Првата македонска лига го претрпе седмиот пораз сезонава на гостувањето кај Борец со 4:2.

Велешани после првото полувреме водеа со 2:0 со головите на Радовиќ во 12. и 40. минута, а во вториот дел им се придружија уште Силва (72`) и Прелчец (78`) за неверојатни 4:0.

Тетовската екипа која го брани трофејот од минатата сезона успеа да го ублажи поразот преку Алими кој стрелаше во 80. и 90. минута од средбата.

Претходно, и Ренова направи изненадување откако на домашен терен го совлада Вардар со 2:0 во воведниот меч од неделната програма.

Двата гола за тетовци беа дело на Арѓент Гафури во деветтата и во 62. минута. За „гипсарите”, ова е трета победа во низа во пролетниот дел од сезоната и со 28 бода се моментно седми на табелата.

Силекс го искористи „киксот“ на Шкендија и сега се израмни со нејзе на табелата откако минимално со погодокот на Ивановски славеше во Кратово над Македонија ЃП.

Три бода слават и играчите на Шкупи кои со 1:2 беа подобри од Струга Трим Лум. После половина час игра тимот од Чаир веќе има 0:2 благодарение на Гудиаби и Сержињо, додека Лена од белата точка го постигна единствениот гол за стружани.

Во саботата се одигра првиот дуел од лигашката рунда, Работнички ја совлада Академија Пандев и излезе од опасната зона.

1МФЛ, 22. коло, резултати –

Сабота: Работнички-Академија Пандев 1:0

Недела: Ренова-Вардар 2:0, Борец-Шкендија 4:2, Силекс-Македонија ЃП 1:0, Струга Трим Лум-Шкупи 1:2.

Табела:

1.Вардар 43 бодови
2.Шкендија 35
3.Силекс 35
4.Македонија ЃП 29
5.Академија Пандев 28
6.Шкупи 28
7.Ренова 28
8.Струга Трим Лум 25
9.Работнички 25
10.Борец 24