Висок опозициски лидер во Бангладеш и десетици членови на неговата партија се уапсени по насилните антивладини протести во Дака. Мирза Фахрул Ислам Аламгир, генерален секретар на Националистичката партија на Бангладеш (БНП), е меѓу оние кои се соочуваат со обвиненија, изјави официјален претставник, пренесува Би-Би-Си.

Десетици илјади демонстранти излегоа во текот на викендот, барајќи оставка на премиерот Шеик Хасина. Загина еден полицаец, како и најмалку еден демонстрант. Постојат спротивставени извештаи зошто Аламгир (75) е уапсен.

Локалните медиуми јавуваат дека тој бил приведен поради наводен напад врз домот на главниот судија во Бангладеш. Но, новинската агенција АФП објави дека тој бил обвинет, заедно со 164 други членови на БНП, за убиство по смртта на полицаецот на протестот во саботата.

Scenes at Dhaka today.

// millions of opposition activists and people got involved in clashes with police force

protests took place on Saturday as general election is only 2 months away and they want a fair election

hundreds got injured, thousands got arrested#Bangladesh pic.twitter.com/XFz1XRL6iR

— imtiaz🏴🇧🇩 (@imtiaz1899) October 28, 2023

Полицијата соопшти дека полицаецот бил физички нападнат до смрт и ги обвини активистите на БНП за убиството. Демонстрантите и полицијата повторно се судрија во неделата на повеќе локации. Десетици беа повредени.

Аламгир ја води партијата откако претседателката и поранешна премиерка Каледа Зија беше уапсена и осудена на пет години затвор под обвинение за корупција. Со изборите што се очекуваат во јануари, БНП одржува протести против Хасина, повикувајќи ја да се повлече и да се одржи гласање под неутрална влада.

Портпаролот на партијата БНП, Захир Удин Свопан, рече дека речиси три илјади партиски активисти и поддржувачи биле приведени во изминатата недела, додека полицијата во Дака соопшти дека најмалку 1.480 опозициски активисти биле уапсени и обвинети за насилството од 21 октомври. Тие вклучуваат речиси 700 лица уапсени за време на протестите во саботата.

Хасина – ќерката на првиот претседател на Бангладеш – е на власт од 2009 година и е обвинета за таргетирање на активисти и политички противници, што таа го негира. Во политиката на Бангладеш долго доминира расправија меѓу Хасина и Зија, кои и двајцата беа премиери.