Шарл Леклер нема да биде број 1 во Ферари! – Слободен печат
СпортФудбал

Шарл Леклер нема да биде број 1 во Ферари!

Себастијан Фетел изјави дека конечниот пласман во овогодинешниот шампионат нема да утврди дали тој или Шарл Леклер ќе биде лидер на Ферари следната година.

Оваа сезона „Скудерија” одлучи да му даде приоритет на четирикратниот светски шампион, но тоа набрзо падна во вода откако неговиот нов колега одби да ги почитува наредбите на тимот.

Моментно пред крајот на сезоната во Формула 1, Леклер води пред Фетел со 19 поени, а единствена остварлива цел е двајцата црвени пилоти да се борат против Верстапен за третото место.

– Амбициите се да завршиме на третото место, бидејќи очигледно не можеме да завршиме на прво и на второ место. Мислам дека тоа нема да направи разлика следната година – рече Фетел.

Во однос на квалификациите, Леклер води пред Фетел со 10:7, а по Франција, Шарл има серија од девет последователни квалификации,во кои завршува пред неговиот тимски колега.

– Шарл е добар во квалификациите, мора да му признаам. Немав најдобри сесии годинава поради различни причини. Целта е да настапувам добро во сабота, не само во недела – додаде Германецот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close