Актуелниот шампион на Мастерсот во Рим, Рафаел Надал, доживеа неочекувана елиминација во четвртфиналето и остана без можност да ја брани титулата.

Подобар од Надал беше Аргентинецот Диего Шварцман и тоа во два сета со 6:2,7:5 и во полуфиналето ќе игра против Денис Шаповалов кој беше поуспешен од Григор Димитров.

Иако се очекуваше рутинска победа на „кралот на земјените терените“ во дуелот со Аргентинецот, се случи сосема спротивното, Шварцман му одржа лекција на Надал.

Надал досега ги доби сите девет меѓусебни дуели со Шварцман, но во десеттиот дуел прикажа лоша игра и сосема заслужено загуби.

Од друга страна Шварцман беше далеку над своето ниво, а при резултат 2:2 во првиот сет, нанижа четири гема во низа за водство од 1:0 во сетови.
Нешто поинаква слика беше видена во вториот сет, неизвесноста траеше со 12. гем.

Надал спаси три брејк топки и пропушти една пред да започне серијата на брејкови од седмиот до 11. гем. На крајот како победник излезе Шварцман кој направи брејк за 6:5 и потоа со сигурен сервис дојде до првата победа во меѓусебните дуели.