Тринаесет француски војници загинаа во судир на два воени хеликоптери во Мали, соопшти администрацијата на претседателот на Франција, а пренесе Б92.

Војниците загинаа за време на спроведување на операција против џихадистите во таа држава.

– Претседателот со длабоко жалење соопштува дека загинаа 13 француски војници во понеделникот вечер, кога се судрија два хеликоптери за време на операција против екстремисти – стои во соопштението.

Французите делуваат во Мали од 2012 година, со чија помош оваа земја успеа да ја врати северната територија која беше под контрола на исламистите. Во моментов во Мали престојуваат повеќе од 4500 француски војници, наведува „Раша тудеј“.

На почетокот на овој месец загина уште еден француски војник, откако беше активирана експлозивна направа во близина на неговиот автомобил.