Се огласи Зајков: Во моментов сме безбедни, наскоро ќе бидеме евакуирани од Украина
Македонскиот репрезентативец Ѓоко Зајков кој од јануари настапува за екипата на Ворска од Полтава, во најскоро време ќе си замине од Украина по нападот на руските воени сили.
Зајков за ФФМ изјави дека чека клубот да донесе одлука за осганизирање на мини бус со кој странските фудбалери би биле спроведени до некоја граница и безбедно би ја напуштиле Украина.
– Градот Полтава каде што се наоѓаме не беше цел на напад. Во овој момент сме безбедни. Од клубот има најава за странците кои сме тука да се организира превоз со мини бус и евентуално да бидеме спроведени до некоја граница. Но, мора да се создадат услови. Во моментот воздушниот простор е затворен, а нема ниту возови. Ги чекаме инструкциите од клубот. Во градот моментално работат само маркети и многу мал број на ресторани. Доколку има некои нови информации ќе се обидам да пренесам – изјави Зајков за ФФМ.
.
Украинска криза: Нашиот фудбалер Зајков е безбеден, можеби ќе биде евакуиран