Санкциите од САД не го загрижуваат Ердоган – Слободен печат
ВестиПланета

Санкциите од САД не го загрижуваат Ердоган

Нашата цел е јасна и не се грижиме поради можните санкции. Непријателските сили во Сирија многу брзо ги губат позициите. Нашата цел е да ги потиснеме терористите 32 километри од нашата граница, рече Ердоган.

Анкара не е загрижена поради можните санкции и ќе ја продлжи операцијата „Извор на мирот” во северна Сирија, изјави турскиот претседател Реџеп Таип Ердоган.

– Нашата цел е јасна и не се грижиме поради можните санкции. Непријателските сили во Сирија многу брзо ги губат позициите. Нашата цел е да ги потиснеме терористите 32 километри од нашата граница – рече Ердоган.

Американскиот претседател Доналд Трамп вчера потпиша указ за воведување санкции против Турција во врска со воената операција во Сирија, соопшти државниот секретар Мајк Помпео.

– Претседателот Трамп го потпиша указот за да ја присили Турција да ја прекине својата воена офанзива во североисточна Сирија и да се согласи на примирије. Овој извршен указ на Министерството за финансии и на Стејт департментот им дава надлежности да ја разгледаат можноста за воведување санкции против физички лица, организации или лица поврзани со Владата на Турција и учесници во активности кои создаваат опасност за граѓаните или водат до натамошно поткопување на мирот, безбедноста и стабилноста во североисточна Сирија – се наведува во соопштението.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close