САД го удвои финансирањето на компанијата која развива вакцина против Ковид-19
Компанијата додава дека решила да спроведе значително пообемно клиничко тестирање во третата фаза, отколку што првично било предвидено.
Соединетите Американски Држави двојно го зголемија финансирањето, на вкупно близу милијарда долари, за развојот на потенцијалната вакцина против коронавирусот, која ја разви американската компанија „Модерна“.
Американската администранција на претседателот Доналд Трамп се обврза да даде дополнителни 472 милиони долари, покрај 483 милиони долари кои веќе ги најави, пишува во соопштението на „Модерна“.
Компанијата додава дека решила да спроведе значително пообемно клиничко тестирање во третата фаза, отколку што првично било предвидено.
Нивната експериментална вакцина, којашто поттикнала создавање антитела против коронавирусот кај сите учесници во тестирањето, кои ги имаше 45 во првата фаза од испитувањата, ќе може од понеделникот да се тестира на 30.000 лица, од кои половината ќе ја примат дозата до 100 микрограми, а другите плацебо.
САД, најпогодената земја во светот со повеќе од 146.000 починати и секојдневно со по неколку илјади новозаразени, најавија последните месеци големи вложувања во имунизацијата на Американците од почетокот на следната година.