Извори од Службата за безбедност на Украина (СБУ) потврдија за Киев пост дека од Крим биле истрелани две балистички ракети кон главниот град на Украина и дека нивна цел била седиштето на СБУ.

Во моментот н нападот во седиштето на СБУ се наоѓале голем број на високи раководители на службата кои го прославувале денот на СБУ во Украина.

„Киев пост“ наведува дека Русија намерно со проектили го гаѓала седиштето на украинската служба, каде што се наоѓаат високи офицери на СБУ.

Украинските воздухопловни сили соопштија дека воздушната одбрана на земјата пресретнала две балистички ракети лансирани од Крим.

Во соопштението се наведува дека и двете проектили биле насочени кон центарот на Киев.

Повеќе експлозии одекнаа во центарот на Киев во понеделникот, околу 30 секунди откако сирените за воздушен напад се вклучија во главниот град на Украина и властите ги повикаа жителите да се засолнат. Новинарите на Киев пост во различни градски области и предградија избројаа десетици силни експлозии.

“Експлозии во Киев. Веднаш одете во засолништата. Во областа Печерск, поради падот на фрагменти од ракета, уништена е трикатна зграда. Службите за итни случаи работат на местото. Фала богу, засега нема жртви. Само Едно лице е повредено, а лекарите укажале помош на лице место“, напиша градоначалникот на Киев, Виталиј Кличко на социјалните мрежи, додавајќи дека итната помош била испратена во три области на главниот град. Според украинските воздухопловни сили, противвоздушната одбрана пресретнала две балистички ракети лансирани од Крим. Двата проектили се движеле кон центарот на Киев.