Прифаќањето на резолуцијата која ја подготви Русија за создавање на нова конвенција за борба против сајбер-криминалот предизвика загриженост за кришење на слободите на интернет, пренесува „Индекс.хр“.

Резолуцијата која ја поддржуваат Кина, Венецуела, Мјанмар, Сирија, Иран и Северна Кореја, прифатена е на Генералното собрание денес, со 79 гласа „за“, 60 „против“ и 33 „воздржани“.

Со резолуцијата, се воспоставува одбор на меѓународни експерти кои ќе „изработат опсежна меѓународна конвенција за борба против употреба на информациите и комуникациските технологии за криминални цели“.

Панелот треба да се состане во Њујорк во август за да се договори за програмата.

САД, Европската Унија и други земји беа против оваа резолуција, стравувајќи дека таа би можела да овозможи задушување на слободата на изразување.

Некои држави ја критикуваа резолуцијата и тврдеа дека владите со изговор дека решаваат пробелми со сајбер-криминалот и тероризам прават интернет-цензура на политичките противици.

Од САД изјавија дека резолуцијата ми можела да ја „поткопа меѓународната соработка во борбата бротив сајбер-криминалот во време кога подобрената соработка е клучна“.