Руската вакцина против коронавирус „Спутник V“ денеска пристигнува во Србија, дознава Танјуг. Министерот за здравство, Златибор Лончар, вчера изјави дека тестирањето на руската вакцина во Агенцијата за лекови и медицински помагала е при крај и дека се очекува да заврши во првите денови од новата година.

Како што јави дописникот на МИА од Белград, рускиот амбасадор во Белград Александар Боцан Карченко вчера најави дека првиот контингент руски вакцини против коронавирусот ќе биде доставен во Србија „до крајот на тековната година”.

Вакцинацијата против ковид-19 со производот на компаниите „Фајзер“ и на „БајонТек“ во Србија започна на 24 декември, а според министерот Лончар, новиот контингент од вакцината „Фајзер“ во Србија ќе пристигне на 4 јанури, по што на секои седум дена ќе пристигнуваат нови количини.