Роналдо се враќа во клубот каде ја започна кариерата!?
Португалската ѕвезда на Јувентус сака да ја заврши својата кариера во Спортинг Лисабон, неговиот прв професионален клуб.
Како што информира португалскиот „Рекорд“, Кристијано Роналдо има намера да остане до крајот на договорот во Јувентус, односно до следното лето (30 јуни 2022 година), а потоа бесплатно се пресели во својот матичен клуб.
Неговата желба е да биде поблиску до неговото семејство, се шпекулира дека би можел да игра уште две сезони за Спортинг, односно до 2024 година, кога би се повлекол. Наводно, не е исклучено тој да ја заврши кариерата во САД, но во моментов има поголема желба да замине во Спортинг по Јувентус.
🚨| Cristiano Ronaldo wants to end his career in Sporting Lisbon. He himself and his family approve this decision. @Record_Portugal pic.twitter.com/QSMiMzyT8D
— The CR7 Timeline. (@TimelineCR7) May 4, 2021
Но, се поставува прашањето дали Јуве ќе биде подготвен да му плати уште една година и потоа да му дозволи на Роналдо да замине без обештетување.
Клубот од Торино нема пари да му плати на Роналдо уште една година, а има уште помалку простор да го пушти бесплатно, па ова во моментов се чини како многу „тешка операција“.
Да потсетиме, Роналдо започна со Спортинг, од каде замина во Манчестер јунајтед во 2003 година, а подоцна играше за Реал од 2009 до 2018 година од кога е член на Јувентус.
ВИДЕО: Роналдо за шест минути му донесе пресврт на Јувентус!