Роналдо не е задоволен од резултатите на Јунајтед: Мора да се подобриме

Манчестер јунајтед моменто има 22 бода помалку од лидерот на табелата во Премиер лигата, Манчестер сити/ фото: EPA-EFE/PETER POWELL

Ѕвездата на Манчестер јунајтед, Кристијано Роналдо, истакна дека не е најреќен од формата на англискиот тим сезонава и во 2022 година резултатите мора да бидат подобри.

Јунајтед моментно се наоѓа на шестото место на табелата во Премиер лигата со 31 бод, дури 19 помалку од лидерот Манчестер сити. Во Лигата на шампионите, Манчестер јунајтед обезбеди пласман во осминафиналето каде ќе игра против Атлетико Мадрид.

– Не сум задоволен од тоа што го направивме досега, никој не е задоволен. Убеден сум во тоа. Мораме посилно да работиме и да прикажуваме многу подобри игри од тие што досега ги прикажувавме – рече Португалецот.

Првиот натпревар во 2022 година, Манчестер јунајтед ќе го игра в понеделник кога на „Олд трафорд“ ќе го пречека Вулверхемптон.

Видео на денот