Романскиот министер за земјоделство Флорин Барбу изјави дека ниту еден земјоделец не поднел докази дека жито од Украина се истоварува во Романија и додаде дека доколку постои таков шверц, надлежните институции мора да преземат мерки, пренесе Ажерпрес, информира „24Часа.бг“.

За време на посетата на округот Арад, министерот за земјоделство беше прашан зошто инсталирањето ГПС уреди на камиони кои транспортираат жито од Украина за следење на трасата нив, не се спроведува. Тој одговори дека тоа е обврска на Министерството за финансии.

„Треба да го прашате господинот (министерот за финансии Марсел) Болош бидејќи Министерството за финансии е надлежно за тоа“, истакна Барбу, потсетувајќи дека Министерството за земјоделство издало наредба за забрана на увоз без лиценца.

„Од правен аспект ви кажувам дека ни едно зрно не е влезено кај нас затоа што не издадов дозволи за увоз од Украина. Ако е незаконски, тогаш тоа е шверц и надлежните органи треба да си ја завршат работата. не е работа на Министерството за земјоделство“, рече Барбу.

Тој додаде дека шверцот на жито е сличен на шверцот на цигари или други прехранбени производи. Барбу нагласи и дека во Министерството за земјоделство по разговорите што ги имал со земјоделците не добил ниту една жалба „со конкретни докази“ за увоз на украинско жито во Романија, пренесе БТА.