Роботот Софија го продаде своето прво дигитално дело за 688.888 американски долари
Софија е мултиталентиран робот кој може да зборува, да кажува шеги, да пее, па дури и да создава уметност.
Таа е прва државјанка на светот меѓу роботите која тукушто заработи речиси 700.000 американски долари од продажба на уметноста која ја создава.
Роботот Софија предизвика вистински пресврт во светот на уметноста кога нејзиното дигиталното дело беше продадено на аукција за 688.888 американски долари во форма на таканаречен незаменлив токен (NFT).
View this post on Instagram
Секој токен има единствен дигитален код кој овозможува да се потврди автентичноста и сопственоста.
Софија е најпознатата роботска креација на компанијата „Хансон Роботикс“, и може да имитира изрази на лицето, да води разговори и да препознава луѓе.
Дејвид Хансон, извршниот директор на компанијата со седиште во Хонг Конг и креатор на роботот Софија верува дека роботите со реалистичен изглед можат да се поврзат со луѓето и да помагаат во општествените сектори како што се здравството и образованието.
View this post on Instagram
Софија за своето уметничко дело соработуваше со италијанскиот сликар Андреа Бонасет, а подоцна почна и сама да прави дигитални уметнички дела.
Дигиталното дело, кое беше продадено за 688.888 американски долари, е всушност видео од 12 секунди што го прикажува портретот на Бонасет како се претвара во дигитална слика на Софија.
View this post on Instagram
Софија ќе продолжи да слика, а следниот чекор во нејзината кариера може да биде во светот на музиката. Таа работи на создавање на неколку музички дела во рамки на проектот наречен „Софија Поп“, каде соработува со музичари на пишување музика и текстови.
View this post on Instagram
