Ријана со виолетова коса, нова промена на изгледот пред Денот на вљубените
Ѕвездата во пресрет на денот на вљубените се иснпирираше од стилот на 60-те години.
Нова промена на изгледот направи камелеонката Ријана. За прослава на љубовта, Ријана се фотографираше со коса во виолетова боја која карактеризира храброст.
Поводот за ваквиот изглед е новата колекција на нејзината линија Savage x Fenty. Иако и виолетова нијанса на коса одлично ѝ прилега, сепак, станува збор само за перика во боб стил, инспирирана од 60-те години.
2020 година за Ријана, која ќе наполни 32 години на 20 февруари, започна со промоција на нови модни и „бјути“ трендови – прво, пејачката го промовираше изгледот без шминка, со постираното селфи на Инстаграм, изглед кој ќе биде во тренд за сезоната пролет/лето, а потоа следуваше промовирањето на новата колекција Savage x Fenty со изглед во согласност со актуелните трендови меѓу кои доминира боб фризурата.
Рири е кралица на колоритните фризури. До сега, ја видовме во сите нијанси на црвена, црна, руса и костенлива коса. Во овој случај, ѕвездата одбра јоргован нијанса која одлично прилега на жени со потемен тен.
