Режим, полициска бруталност и реакции со двоен аршин

Во последните две недели бевме сведоци на претепувања на Срби. И во двата случаи, полицијата употреби физичка сила и фрли солзавец, а документирано е и очигледно пречекорување на дозволените средства на присила од безбедносните служби. Од моја гледна точка, најинтересен е фактот дека „дежурните“ демократи во Македонија воопшто не изреагираа на првиот случај на претепување на Србите, додека за вториот известуваа речиси во минута, објавувајќи ги по социјалните мрежи фотографиите и видеата снимени од местото на настанот.

„Полицијата со употреба на физичка сила и хемиски средства ги растера демонстрантите кои протестираа во главниот град. Се протестираше и во другите градови, каде што полицијата исто така употреби сила“, оваа информација беше објавена од пред десетина дена. Тогаш беше известено дека демонстрантите Срби протестираа против режимот, за кого сметаат дека владее недемократски и ги крши нивните најосновните демократски и човечки права.

Прочитајте и...  Екипа на СЗО ја заврши мисијата во Кина, проценка на соодветни студии и собрани податоци

Оваа информација, иако беше пренесена од речиси сите медиуми во Македонија, сепак, не предизвика никаква реакција кај нас. Но затоа веста дека Србите демонстранти беа растерани од полицијата, која употреби физичка сила и солзавец, предизвика огорчен бес кон режимот и отворена поддршка кон протестантите.

Зошто е тоа така? Можеби ќе стане појасно, доколку се земе предвид дека првата информација се однесува на немирите во Подгорица и во другите градови во Црна Гора, каде што полицијата е црногорска, а режимот е на Мило Ѓукановиќ. Таму Србите протестираа поради наводните манипулации на властите со пропишаните мерки за заштита од заразата со кои беа забранети православните литии. Втората, понова информација, која предизвика земјотрес по социјалните мрежи кај нас, се однесува на протестите во Белград, каде што демонстрантите му се спротивставија на режимот на Александар Вучиќ, обвинувајќи го за манипулација со мерките преземени за ширењето на заразата со коронавирусот.

Прочитајте и...  Извештај на ОН: Северна Кореја развила минијатурни нуклеарни уреди

Значи и во Подгорица и во Белград беа тепани Срби, кои се бореа против манипулациите со здравствените мерки, кои против себе имаат брутално насилна полиција и кои се обидуваат да соборат режим што владее недемократски. Вучиќ некои осум години, додека Мило од времето на комунизмот.

Уште еднаш прашувам – зошто е тоа така? Срби ваму, Срби таму. Полицијата брутална и во двата случаи, а диктаторите осведочени. Не знам, можеби Србите се жртви на насилство, на режимска власт, на манипулации, само кога живеат во Србија и кога ги тепа српската полиција?

Не сакам да бидам погрешно разбран, и јас бев длабоко потресен од тоа што можеше да се види од демонстрациите во Белград. Онаа видеоснимка на која се гледа како полицајците ги тепаат луѓето што мирно си седат на клупа е навистина грозна. Но потресен бев и од тепањето на луѓето во Црна Гора, како и на Афроамериканците во Америка, кои имаат само едно барање, а тоа е полицијата повеќе да не ги убива.

Прочитајте и...  Заборавете на доларот, купувајте злато: Цената на скапоцениот метал ќе руши рекорди до крајот на годината

Ја охрабрувам поддршката кон демократските протести, но тоа треба да се прави почесто. Полициското насилство е еднакво грозно и на улиците на Вашингтон, Брисел или во Париз, каде што, патем, полицијата насилно прекина протест на млади жени, кои со голи гради им се спротивставија на одлуките на француската влада донесени во периодот на корона-кризата.

Прочитај повеќе

„Те молам немој да ме застрелаш“: Објавена нова снимка од апсењето на Џорџ Флојд (ВИДЕО)

Слободен печат

Извештај на ОН: Северна Кореја развила минијатурни нуклеарни уреди

Слободен печат

Гајтанот за Мицкоски нема да биде многу свилен!

Војската ќе ги спроведува мерките за самоизолација во австралиската држава Викторија

Слободен печат

Гутереш: Пандемијата доведе до најголемо нарушување на образованието во историјата

Слободен печат

Екипа на СЗО ја заврши мисијата во Кина, проценка на соодветни студии и собрани податоци

Слободен печат

Остави Коментар

Прочитај повеќе

По конститутивната седница, од денес почнуваат разговори за формирање нова влада

Слободен печат

Бројот на починати лица од Ковид-19 се искачи на 500, Чаир и Аеродром со најмногу активни случаи

Слободен печат

Германците важат за разумни, но зошто тогаш масовно протестираа против маските и мерките? (ВИДЕО)

Слободен печат

Голем пожар се шири низ Калифорнија, над 2000 пожарникари се борат со огнената стихија (ВИДЕО)

Слободен печат

Повеќето Британци, Французи и Германци нема да одат на одмор ако маските и тестирањето се задолжителни

Слободен печат

Струјата ги запали социјалните мрежи

Весна Дамчевска