Функционерите на ЕУ кои имаат пристап до информациите за преговорите за Брегзит, велат дека најголемата пречка околу постигнувањето на договорот, а која се однесува за ирската граница, „речиси е решена“.

Преговарачите од ЕУ и Велика Британија денеска разговарале во Брисел за да постигнат договор за Брегзит, кој е закажан за 31 октомври. Целта е Велика Британија на тој датум со договор да ја напушти Унијата.

Функционерите пренесуваат дека главниот преговарач на ЕУ, Мишел Варни, рекол дека Ирското море би било царинска граница на ЕУ и Велика Британија.

На тој начин би се избегнала видливата копнена граница на ирското море, но и Северна Ирска ќе се стави ви посебна позиција.

Тие додале дека „разговорите се активни и течат и дека и натаму е можен позитивен исход“, истакнувајќи дека преговарачите работат на политичка декларација, која се уште не е правно обврзувачки документ.

– Неколку сложени технички прашања допрва треба да бидат решени – јавуваат функционерите на ЕУ.