„Рено“ ќе добие државен заем во висина од 5 милијарди евра
Бруно Ле Мер денеска ќе ја потпише гаранцијата за заемот, соопшти Министерството за економија на Франција.
Францускиот производител на автомобили „Рено“ ќе добие пет милијарди евра државна финансиска помош во форма на загарантиран кредит за спас на своето производство и зачувување на работните места. Финансиската инјеќција денеска треба да ја потврди францускиот министер за економија и финансии Бруно Ле Мер.
– Бруно Ле Мер денеска ќе ја потпише гаранцијата за заем од пет милијарди евра за „Рено”, соопшти Министерството за економија на Франција.
Министерот „побара веднаш да се отвори социјален и технички дијалог, за да се развие индустриски проект за иднината кој ќе треба да ги гарантира, долгорочно, и по 2023 година, работните места и нивото на индустриска активност во фабриката во Мобеж”.
