Пандемијата од корона вирусот на Австрија до сега и донесе невиден пад на економијата за дури 7 отсто, со рекордна стапка на невработеност и буџетски дефицит од околу 10 отсто, прогнозираат економските институти „Wifo i IHS“.

– Тоа ќе биде длабока, но кратка рецесија“, истакнува „Wifo“ додавајќи дека растот е ограничен само на двата квартала, иако економијата идната година нема да може да го достигне нивото пред кризата.

Следната година се прогнозира економски раст од четири до шест отсто.

Во совладување на кризата економската политика, како што предлагаат експертите, би требало да се фокусира на зајакнување на секторскиот раст, бидејќи тоа ќе овозможи и потребна консолидација на буџетот.

Истовремено експертите предупредуваат дека доколку има втор бран тогаш во тој случај би се очекувал уште поголем пад на БДП.