Рецепт за погача со компири, стар 100 години
Погачите ја украсуваат секоја трпеза, но не сакаат сите домаќинки да се впуштат во мешањето на тестото, бидејќи им изгледа комплицирано. Овој рецепт е стар сто години, а е многу едноставен. Нашите баби го замесувале тестото и го полнеле со пире од компири и сирење и на тој начин ги правеле најдобрите погачи од тоа време, кои и до ден-денес се едни од највкусните. Пробајте го и вие овој специјалитет, нема да зажалите.
Состојки:
– 2 компири
– 200 грама брашно
– 4 грама сув квасец
– 2 лажички шеќер
– 1/2 лажичка сол
– 1 јајце
– 160 мл млеко
– 30 грама путер
– 140 грама тврдо сирење
Подготовка:
Исечете ги компирите и сварете ги. Просејте го брашното и во него додадете квасец, шеќер, сол и јајце. Малку соединете, па сипете 80 милилитри топло млеко и растопен путер, па замесете тесто. Покријте го и оставете го на топло еден час.
За тоа време процедете ги компирите, посолете и побиберете, па сипете 80 милилитри млеко и направете пире. Потоа преместете го тестото на набрашнета површина и поделете го на 2 топчиња. Расукајте поголем и потенок круг, па префрлете го во плех обложен со хартија за печење. Премачкајте со пирето од компири, па посипете со рендано сирење. Одозгора ставете го второто тесто што сте го развлечеле приближно исто како и првото. Со прстите притиснете ги краевите на кругот и повлечете ги навнатре.
Премачкајте со млеко, па со прстите направете дупчиња на погачата, а потоа печете во загреана рерна на 180 степени околу 30 минути.
Готовата погача премачкајте ја со растопен путер.