КПМГ ја заврши проценката на вредноста на 32. најпознати фудбалски екипи во Европа и на врвот нема промени, и понатаму највреден клуб е Реал Мадрид кој е проценет на 3.47 милијарди евра.

Во петтата годишна листа на највредни екипи, веднаш зад „кралскиот“ клуб се наоѓа Манчестер јунајтед кој „тежи“ 3.47 милијарди евра кој и минатата година беш втор на листата на КПМГ.

In the just-published “Football Clubs’ Valuation: The European Elite 2020”, @realmadrid and @ManUtd maintained 1st and 2nd while @FCBarcelona returned to the podium of the Enterprise Value ranking after only 1 year of absence.@Football_BM
Find out more: https://t.co/xIl3gjqV2d pic.twitter.com/r1dxTPVj2X

— Andrea Sartori (@andreasartori94) May 28, 2020

Првата промена на листата во однос на ланската е на третата позиција каде сега се наоѓа Барселона која вреди 3.19 милијарди, додека Баерн Минхен падна за едно место и вреди 2.88 милијарди евра.

Актуелниот европски шампион и сосема извесно и шампион во Премиер лигата, Ливерпул највеќе го зголеми своето портфолио. Успесите на „црвените“ им донесоа зголемена вредност за дури 26.9 проценти и сега се петти највереден клуб во Европа со 2.65 милијарди евра.

Веднаш зад Ливерпул се уште три англиски екипи, Манчестер сити (2.6 милијарди евра), Челси (2.2 милијарди) и Тотенхем (2 милијарди). Францускиот ПСЖ е деветти највреден клуб и е проценет на 1.91 милијарди евра, а листата на 10 највредни европски екипи ја затвора Арсенал кој „тежи“ 1.85 милијарди евра.