Реал го договори Азар, следен е Јовиќ
Реал Мадрид ги завршил сите детали околу ангажманот на најголемата желба на тренерот Зинедин Зидан, трансферот на Еден Азар од Челси, пишува „Марка“.
Белгискиот репрезентативец постигнал устен договор со Зидан и претседателот Флорентино Перез и се очекува да потпише четиригодишен договор кој ќе му носи 15 милиони евра по сезона. Реал Мадрид на Челси ќе му плати 100 милиони евра за Азар, чиј договор истекува идната година.
Вториот шпански весник близок до Реал Мадрид, „Ас“ на денешната насловна страна го стави Лука Јовиќ со порака дека наскоро пристигнува на „Сантијаго Бернабеу“. Според „Ас“ Реал и Ајнтрахт Франкфурт преговорите ги започнаа на 28 март и се очекува во наредните неколку дена и официјално ќе се објави дека Лука Јовиќ од следната сезона ќе биде член на „кралскиот“ клуб.
Сумата која Реал ќе ја плати на германскиот клуб се движи помеѓу 50 и 60 милиони евра.