Ракун и мала срна станале најдобри пријатели: Видеото од нивните прегратки ќе ви го стопи срцето
Видеото кое неодамна се појави на инстаграм-профилот „texasfawnandfriends“ на кое се гледа срната по име Хоуп и ракунот по име Џаспер брзо стана вирално поради нивното неверојатно, но сепак преслатко пријателство.
На видеото, Џаспер може да се види како се прикрадува кон Хоуп, а потоа се нафрла по неа, ја гушка и гризе, пред да одлучи дека таа ќе му биде пријатна перница и се качува на нејзиниот грб.
Но, како дојде до ова необично пријателство?
View this post on Instagram
Кери Лонг од „Texas Fawn and Friends“, непрофитна организација за сирачиња и повредени срни, добила повик минатата година за повреден ракун.
Ракунот стар само 2-3 недели останал сам во страшна бура. Кери решила да го прими и да му помогне да оздрави и му даде нов дом.
Младата срна, пак, пристигнала набргу после Џаспер. Срната ја изгубила мајка си на млада возраст и ѝ била потребна грижа. Кери ѝ го дала името Хоуп и не требало долго време тој и Џаспер да станат најдобри пријатели.