РАКЧЕВИЌ: Горд сум, светот слушна за Вардар!
Пивотот Ракчевиќ во периодот од 2005-2009 година ги бранеше боите на Вардар, а освен за „црвено-црните“ беше дел и од Металург.
Неговата борбеност на линијата и головите во СРЦ „Кале“ ја красеа неговата игра, што и влијаеше со две шампионски титули во првенството, но и со добри перформанси во европските купови.
Во краток разговор со еден од најборбените пивоти во ракометната игра е среќен поради големиот успех на клубот во ЛШ.
– Бев во Македонија 7-8 години и знам колку македонскиот народ го сака ракометот. Ова што Вардар го направи е рамно со невозможното. И јас како некој што четири години го носев тој дрес се чувствувам гордо – ни ги пренесе првите зборови Ракчевиќ.
Македонскиот шампион успеа по втор пат во својата клупска историја да ја освои титулата во Лигата на шампионите и тоа за период од три сезони.
?@HCVardar team arrived in Skopje yesterday night and the atmosphere was the best ever imagined! Fans, family and all Skopje citizens were there to show the team their support and to celebrate with them the VELUX #ehffinal4 triumph. ❤️??#veluxehfcl #hellocologne pic.twitter.com/zXD0Ka6WoC
— EHF Champions League (@ehfcl) June 4, 2019
Освен што апелираше поранешниот ракометар на Вардар, Немања Прибак, и Ракчевиќ е свесен дека финансиски треба да му се помогне на клубот, иако последните информации велат дека Самсоненко останува во Вардар.
– Момците ги заслужуваат сите државни одликувања, бидејќи низ овој резултат сите во светот слушнаа за Вардар, за Скопје, за Македонија. Најголемата грешка на државата би била да го пушти Вардар, да не се размислува за шампионот. Мислам дека е потребно е да се најдат спонзори за наредните години кои доаѓаат – вели Ракчевиќ.
?Words can't describe what @hcvardar lived this past weekend.
So many emotions on court, so many unbelievable fan moments…Let's get back to Sunday and relieve how HC Vardar become champions of the VELUX #ehffinal4 . ???#veluxehfcl pic.twitter.com/pYo2gZnnRd
— EHF Champions League (@ehfcl) June 3, 2019
Им ја честита титулата шампион на Европа, со „капа долу“ за овие златни играчи кои го освоија Келн и со големо срце за Македонија.
– На крајот уште еднаш, од срце најискрено им честитам на сите кои го носат и сакаат дресот на Вардар и еве го однесоа клубот во уште еден незаборавен и неверојатен резултат во Лигата на шампионите – заврши Ракчевиќ.
