Иако има големи финансиски проблеми, Барселона ќе биде активна во зимскиот преоден рок и по ангажманот на Феран Торес, ќе се обиде да ја засили одбрана со еден од најдобрите дефанзивци на светот.

Каталонскиот тим е заинтересиран да го купи дефанизвецот Матијс де Лихт од Јувентус, кој неколку години е на „радарот“ на скаутите на Барселона. Холанѓанецот во 2019 година потпиша за Јувентус иако имаше понуда и од Барселона.

Проблем за Каталонците претставува откупната клаузула која изнесува 120 милиони евра, но можно е Јувентус да се согласи на далеку помала сума.

Оваа вест на Барселона и ја соопшти агентот на фудбалерот, Мино Рајола, а причината зошто Јувентус би се согласил на продажба е големата плата на Де Лихт кја изнесува 300.000 евра неделно.