Контроверзниот фудбалски агент, Мино Рајола, кој се грижи за кариерите на Златан Ибрахимовиќ, Пол Погба смета дека неговите клиенти би биле одличен тандем.

Рајола верува дека идеален тим за Златан Ибрахимовиќ кој и на 39. години игра во врвна форма и е прв стрелец во Серија А со 10 постигнати гол, е актуелниот италијански шампион, Јувентус.

– Јувентус требаше да го ангажира Златан. Тој би бил идеален партнер во нападот на Кристијано Роналдо – вели Рајола.

Токму поради одличните игри на Ибрахимовиќ, Милан се наоѓа на чело на табелата во Серија А со 26 бода од 10 кола, пет повеќе од второпласираниот Интер.

Рајола не застанува тука и вели дека Пол Погба заврши со Манчестер јунајтед и по завршување на договорот кој трае до 2022 година, ќе си замине од „Олд трафорд“. Пол Погба откако во 2016 година за 105 милиони евра пристигна на „Олд трафорд“ никако да ги повтори игрите од дресот на Јувентус, а францускиот репрезентативец е незадоволен и од статусот во тимот и нема шанси да прифати да седне на прегови за нов договор.
–Готово е, Погба заврши со Јунајтед – кратко одговори Рајола.