Како што и се најавуваше, поранешниот играч за врска на ПСЖ од наредната сезона ќе ги брани боите на Јуве, иако „Старата дама“ не ги откри деталите околу договорот.

Се шпекулира дека Французинот ќе потпише на пет години во трансфер вреден 35 милиони евра.

À bientôt, @Adriien_Rabiiot !https://t.co/bI7QXrM5QN#LiveAhead pic.twitter.com/a04RFGDpxX

— JuventusFC (@juventusfc) July 1, 2019

Доаѓа како слободен играч откако му истече договорот со францускиот шампион. Претходно голем интерес за неговите услуги покажаа уште Барселона, Арсенал и Манчестер јунајтед.

Ова е трето летно засилување за Јувентус после Арон Ремзи од Арсенал и Лука Пелегрини од Рома.

Италијанските медиуми пренесуваат дека наскоро ќе биде промовиран и младиот фудбалер на Ајакс, Матијс де Лихт, најголемото откритие лани во Лигата на шампионите, а воедно дефанзивецот го привлече и вниманието на Кристијано Роналдо.