Британската полиција соопшти денеска дека привела човек кој со нож нападнал луѓе во близина на Лондонскиот мост во главниот град на Велика Британија.

Според британски медиуми, има повредени лица во нападот и биле регистрирани и два истрела.

Полицијата го запрела движењето по мостот, а потоа го застрелала напаѓачот, јавуваат англиските медиуми.

Здравствените власти во градот прогласија „голем инцидент”.

Познатиот Лондонски мост бил затворен откако граѓани пријавиле дека слушнале пукање, соопшти метрополитанската полиција.

На Твитер полицијата објави дека службеници се занимаваат со инцидентот на мостот на реката Темза по пријавеното пукање.

Someone just shot on London Bridge #london @BBCBreaking @SkyNews pic.twitter.com/qVk5IPmofb

— amanda** (@AmandaHunter87) November 29, 2019