Првиот од двата воено-транспортни авиони кои треба да ги донесат посмртните останки на 45-те патници кои трагично го загубија животот во автобуската несреќа во Бугарија, тргнал пред околу 15 минути.

Полетувањето на авионите беше одложено за еден час поради лошите временски услови на софискиот аеродром и силниот ветер.

На аеродромот во Скопје, присутни се роднини на починатите. Дамир Османов чиишто ќерка и сопруга загинале во автобусот, вели дека неговата ќерка во Турција заминала за да купи чеиз за свадба.

– Ќерка ми се подготвуваше за свадба, во април ни беше закажана. Требаше да живее во Америка. Утрото на 23 ноември станав рано за да одам на автобуска да ги пречекам, тогаш ми се јави ќерката да ми каже дека имало несреќа. Јас пробував да дознаам дали автобусот со кои патуваа жена ми и ќерката е запалениот, бев во неизвеснот, многу ми беше тешко. Откако дознав дека тој е автобусот, повторно бев во неизвеснот, бидејќи не знаев дали се моите живи или не.  За оваа болка нема утеха, јас имам уште три ќерки и син, ама за болката нема утеха. Можам само да кажам дека таква била вољата гоисподова – изјави Османов за „Слободен печат“.

Тој вели дека телата на неговите најблиски ќе бидат погребани денеска и дека е добро што нема да има поворка која беше откажана поради барањето на роднините на починатите.

Тишината зборува за тагата: На плоштадот „Скендербег“ поставени букети цвеќе за оддавање почит на жртвите од сообраќајната несреќа