Пронајден најстариот фосил на оса во светот, датира од пред 239 милиони години
Во швајцарскиот кантон Тичино е откриен најстариот фосил на оса во светот, кој датира од пред 239 милиони години.
Препорачано
Остатоците од оса која живеела пред повеќе од двесте милиони години биле пронајдени при ископувањата, кога биле откриени 248 фосили од инсекти, пишува швајцарски „Свис инфо“.
Фосилот на оса бил откриен за време на палеонтолошките ископувања од страна на тим од Кантоналниот природонаучен музеј Тичино во градот Лугано, објавија локалните власти.
Пронајдените фосили датираат од времето пред диносаурусите, а ова откритие дава увид во еволуцијата на одредени групи инсекти по масовното истребување на крајот на Перм – пред 251 милион години.
И покрај малите димензии од само два милиметри до 2,5 сантиметри, фосилите се исклучително добро сочувани.
Благодарение на ова, истражувачите можат подетално да ги проучуваат морфолошките детали, што дава важни информации за еволуцијата на инсектите.
Excavations in Ticino have uncovered 248 fossilised insects dating back 239 million years. Among the finds is the oldest wasp found to date. https://t.co/aUDEoXeT0y
— swissinfo.ch (@swissinfo_en) August 29, 2024
