Ливерпул по пауза од 30 години ја освои титулата во Премиер лигата, но навивачите се разочарани од неактивноста на управата на трансфер пазарот.

За разлика од конкурентите за титулата како Манчестер сити, Челси и Манчестер јунајтед, кои не штедат пари летово, Ливерпул официјално го ангажира само Костас Цимикас кој дојде од Олимпијакос.

До крајот на преодниот рок се очекува на „Енфилд“ да пристигне и Тијаго Алкантара од Баерн Минхен. Одличниот шпански репрезентативец денеска ја одби понудата на Манчестер јунајтед и порача дека е заинтересиран само за трансфер во Ливерпул.

Денеска „Тајмс“ открива зашто Клоп и челниците на Ливерпул се тивки во преодниот рок, тие се подготвуваат за наредното лето кога ќе тргнат на се или ништо по Килијан Мбапе.

Мбапе го шокира ПСЖ, идното лето си заминува и најверојатно се сели во Премиер лигата

Одличниот напаѓач неодамна ги извести челниците на ПСЖ дека нема да потпише нов договор и наредното лето ќе си замине, а медиумите како следна дестинација за Мбапе ја одредија Шпанија и Реал Мадрид.

Но, „Тајмс“ пишува дека идното лето токму Ливерпул ќе биде во пол позиција за потпис со францускиот репрезентативец. „Црвените“ ги задржаа сите ѕвезди кои ја донесоа титулата, но за да дојдат до потписот со Мбапе подготвени се во 2021 година да жртвуваат една од двете големи ѕвезди, Мохамед Салах или Садио Мане.

Имено, Ливерпул е подготвен во Париз да ги испрати Салах или Мане и одредена сума на пари за која се шпекулира дека ќе изнесува најмалку 100 милиони евра.