Утре претпладне во одделни котлини и долж Повардарието ќе има појава на магла или ниска облачност, а преку денот ќе биде сончево со мала до умерена облачност, прогнозираат синоптичарите.

Ќе дува слаб ветер од северозападен правец. Минималната температура ќе биде во интервал од -3 до 4, а максималната ќе достигне од 9 до 16 степени.

Во Скопје претпладне ќе има појава на магла, преку денот претежно сончево и тивко. Минималната температура ќе се спушти до 1, а максималната ќе достигне до 11 степени.

Во наредните денови, ќе продолжи периодот на стабилно и претежно тивко време со релативно високи дневни температури. По котлините ќе има појава на магла или ниска облачност со променлив интензитет и пониски дневни температури. Особено топло ќе биде на повисоките места за време на викендот и во почетокот на следната седмица, велат од УХМР.