Сопственикот на Челси, Роман Абрамович, во вторникот се увери дека „сините“ не се доволно добри како во Премиер лигата, така и во Лигата на шампионите и поради тоа ќе му дозволи на менаџерот Френк Лампард да направи комплетна реконструкција на екипата.

Лампард за следната сезона не смета на дури осум фудбалери и поради тоа „сините“ на лето ќе бидат како супермаркет.

Прв на листата за отстрел е најскапиот светски голман, Кепа кој беше платен 80 милиони евра. Лампард идната сезона нема да смета ниту на услугите на Микел Алонсо и Емерсон кои имаат понуди од Серија А, а од „Стемфорд бриџ“ ќе си заминат уште и Курт Зума, Вилијан, Педро, Оливие Жиру на кои им истекуваат договорите и се слободни да бараат нов клуб.
Исто така се очекува и заминување на Жоргињо, како и на Рос Баркли доколку пристигне вистинска понуда.

Што се однесува до засилувањата, едно е веќе обезбедено. Челси на Ајакс му плати 40 милиони евра за Хаким Зијех, а Абрамович на лето ќе потроши дополнителни 300 милиони евра за три екстра засилувања.

Нов играч во одбраната се очекува да биде и Бен Чилдвел од Лестер, а идеалното решение за голманската позиција, Лампард го гледа во голманот на Атлетико Мадрид, Јан Облак.
Последна но и најголема желба на Лампард е англискиот репрезентативец кој настапува за Борусија Дортмунд, Џејдон Санчо.