Поранешниот австриски канцелар Шисел се повлекува од Лукоил поради украинската криза

Волфганг Шисел/ Фото EPA/ROLF VENNENBERND

Поранешниот австриски канцелар Волфганг Шисел се повлекува од својата позиција во бордот на рускиот енергетски гигант Лукоил, последниот западен политичар кој се огради од руската држава по инвазијата на Москва на Украина, пренесува Ројтерс.

Во изјава за австриската новинска агенција АПА во петокот, Шисел рече дека ги поминал последните денови од неговите две години во управниот одбор на компанијата притискајќи го да усвои резолуција во која се критикува инвазијата, која за него ја преминала црвената линија.

„За мене, некој кој секогаш се залагаше за конструктивни врски меѓу Европската унија и Русија, воениот напад врз Украина, бруталните напади и бомбардирањето на цивилното население ја премина црвената линија“, напиша тој.

Видео на денот