Полицијата апси и ситни дилери на дрога
Во текот на вчерашниот ден, полицијата на различни места во државава уапси неколку дилери на дрога. Заплените се мали, со оглед на синоќешната мега заплена од околу 100 килограми марихуана во камион на бугарски државјанин на граничниот премин Ново Село.
ВИДЕО: Бугарска криминална врска – полицијата заплени марихуана кај Ново Село
Синоќа во 20.30 часот на бул.„Октомвриска револуција“ во Куманово, полициски службеници од СВР Куманово од слобода го лишиле Е.А.(27) од Куманово, затоа што при преглед кај него била пронајдена марихуана. Тој бил приведен во полициска станица и по целосно документирање на случајот, против него ќе биде поднесена соодветна пријава.
Претходно, во 16.40 часот во Демир Хисар, полициски службеници од Полициската станица Демир Хисар од слобода го лишиле Л.М.(20) од Демир Хисар, затоа што при преглед кај него била пронајдена прашкаста материја. Тој бил приведен во полициска станица и по целосно документирање на случајот, против него ќе биде поднесена соодветна пријава.
Речиси во исто време, но во Прилеп на ул.„Борка Утото“, полициски службеници од Полициската станица Прилеп од слобода го лишиле Г.К.(29) од Прилеп, затоа што при преглед кај него биле пронајдени марихуана и дигитална вага. Тој бил приведен во полициска станица и по целосно документирање на случајот, против него ќе биде поднесена соодветна пријава.
Подоцна вечерта околу 21.05 часот во Тетово, полициски службеници од СВР Тетово од слобода ги лишиле М.Р.(33) од Тетово и Х.С.(30) од Германија, а со престојувалиште во Тетово, затоа што при преглед кај нив била пронајдена марихуана. Тие биле приведени во полициска станица и по целосно документирање на случајот, против нив ќе биде поднесена соодветна пријава.